龍鳳號 (裝修中)

Item: 龍鳳號
Rating: 5
Author: FeivouriteFood

Longfenghao

730 食记

味道

环境

服务

卫生

抵食

22793

观塘

$51-100

台湾菜粉面/米线

468

112

FeivouriteFood

等级4

197

观塘最多既就系台湾菜餐厅，今次再次介绍龙凤号，午市食过龙凤号同同区嘅阿元来了，觉得阿元来了更胜一筹，因为阿元来了有得散叫，配搭多款而且有蛋饼，但龙凤号午市其实只有套餐，有好多小食都冇得食，所以今次终于试佢嘅晚市，晚市嘅小食原来好有惊喜。-1️⃣ 古早味鲁肉饭 💰38（👅: 8/10）鲁肉饭都系一般台湾菜嘅大小，鲁肉肥瘦分明，即使佢系用五花腩加猪下腿肉做鲁肉，食落都唔算油腻，五花腩听讲系用元朗猪场出产既台湾种黑毛猪，食落肉味浓无猪膻，入口即溶。鲁肉用自家炸干葱酥、酱油膏同冰糖焖煮味，肉大粒鲁汁食落入味有甜味，有台湾风味，唔会话食完好口渴。鲁肉份量都足够去捞成碗饭食，饭系用台稉九号既珍珠米，煮得粒粒分明，食落烟韧弹牙有米香。我觉得质数系above average，不过同区既阿元来了会略胜一筹。-2️⃣ 澎湖花枝虾饼 💰68（👅: 9.5/10）虾饼系新鲜炸起，夹上口食𠮶时仲系热辣辣。外表炸到金黄色，外层嘅炸衣炸到非常松脆而且薄，可能加咗油纸所以睇落冇咁油，内涵系非常饱满嘅虾饼，入面加左澎湖最出各既花枝，每次食一啖都觉得系满口虾肉，而唔系面粉，佢系用鲜虾打成胶，混合切成一粒粒花枝肉，食落有咬口而且又

观塘最多既就系台湾菜餐厅，今次再次介绍龙凤号，午市食过龙凤号同同区嘅阿元来了，觉得阿元来了更胜一筹，因为阿元来了有得散叫，配搭多款而且有蛋饼，但龙凤号午市其实只有套餐，有好多小食都冇得食，所以今次终于试佢嘅晚市，晚市嘅小食原来好有惊喜。

-
1️⃣ 古早味鲁肉饭 💰38（👅: 8/10）

鲁肉饭都系一般台湾菜嘅大小，鲁肉肥瘦分明，即使佢系用五花腩加猪下腿肉做鲁肉，食落都唔算油腻，五花腩听讲系用元朗猪场出产既台湾种黑毛猪，食落肉味浓无猪膻，入口即溶。鲁肉用自家炸干葱酥、酱油膏同冰糖焖煮味，肉大粒鲁汁食落入味有甜味，有台湾风味，唔会话食完好口渴。鲁肉份量都足够去捞成碗饭食，饭系用台稉九号既珍珠米，煮得粒粒分明，食落烟韧弹牙有米香。
我觉得质数系above average，不过同区既阿元来了会略胜一筹。
-
2️⃣ 澎湖花枝虾饼 💰68（👅: 9.5/10）

虾饼系新鲜炸起，夹上口食𠮶时仲系热辣辣。

外表炸到金黄色，外层嘅炸衣炸到非常松脆而且薄，可能加咗油纸所以睇落冇咁油，内涵系非常饱满嘅虾饼，入面加左澎湖最出各既花枝，每次食一啖都觉得系满口虾肉，而唔系面粉，佢系用鲜虾打成胶，混合切成一粒粒花枝肉，食落有咬口而且又弹牙，好耐冇试过食台湾小食咁有惊喜，虾肉嘅份量唔系讲笑，难怪佢比其他小食贵一啲，但我觉得佢系全晚最好食嘅小食，佢个Menu上面应该要加个手指公，果次食完之后我同女朋友间中都会回味依个味道，可见呢个虾饼真系好好食，第一次食台湾野会令我即刻想再食第二次，因为呢个小食。
-
3️⃣ 宜兰葱肉煎饼 💰48（👅: 8.5/10）

葱肉煎饼有五块份量好多，内馅系猪肉同菜，外表睇落似生煎包，食落有啲似食饺子，但佢个皮冇炸饺子咁厚，外表落咗豉油，外层几脆，食落烟韧，食第一粒个时好有惊喜，因为佢一咬就爆晒汤汁出嚟，非常juicy，但之后二、三、四粒无爆汁，直到第五粒先再次爆汁，不过略嫌入边嘅内馅唔够多，如果葱味或者猪肉多啲味道更出会更好。

-
4️⃣ 盐酥菇 💰42（👅: 9/10）

盐酥菇系其中一款人气美食，有时会卖哂，平时食开盐酥鸡所以有盐酥菇食好特别，每粒盐酥菇都好大粒，系用杏鲍菇，会见到有几块九层塔喺入边，上面加咗胡椒去炸，一咬就爆汁，外脆内软，因为佢系菇所以即使系炸食落都唔觉得Heavy，不过略嫌每粒盐酥菇嘅调味都不一，有啲睇落深色啲味道重啲咸啲。

🌟食完晚市之后觉得佢系观塘最好食嘅台湾菜，佢嘅小食种类比起阿元多好多，而且好多都唔系经常见到嘅小食，反而阿元晚市小食会少咗，最主要嘅蛋饼会冇咗反而多咗蚵仔煎，话龙凤号系香港最好食嘅台湾菜都唔过分，小食全部都出色，尤其系澎湖花枝虾饼，𠮶种厚实嘅虾肉口感实在太有惊喜，唯一缺点就系佢无牛肉面，而且冇蛋饼，不过即使冇依两样嘢都足够令我经常帮衬。