廚十三老壇酸菜魚 (D2 Place ONE) (已結業)

继续限聚令，想出街食个饭都难放工已经七点几 都系只可以买外卖番屋企食今晚试吓系公司附近一间酸菜鱼，听讲系属于大陆果间太二分店。一睇个menu 都唔多选择 真系专食酸菜鱼有唔同分量 两个人食拣左最小果分都要hkd300 入面就系得鱼同酸菜，所有配菜都系另外每样加钱。讲真比我预计价钱算几高。好彩而家外卖做88折 悭番少少。配菜加左宽粉，即系薯粉，以为本身入面应该有，再加莴笋。另外再加左个灼菜同埋小食凉拌黑木耳。番到去其实已经冻左 如果可以堂食应该开心啲不过佢都有将鱼分开盒，咁就唔会浸到老晒。啲鱼系走左油，成个盒底都系油，几香但有少少腥味。将鱼块浸番落啲汤到，个汤都几好饮，个酸辣度岩我口味，太辣我食唔到。个鱼几滑，入口几块有啲碎骨。入面嘅薯粉比平时食嘅厚，但唔会咬唔到，都算烟韧，不过钟意平时无咁厚果只多啲。黑木耳正常。总体不过不失，略嫌钱少贵，可以一试。