丼瀛 (已結業)

晚上嚟左呢间餐厅食日本野。先嚟左个温泉蛋松叶蟹肉野菜沙律。流心温泉蛋捞匀成碗沙律就食得，唔够味可以落沙律汁调味。松叶蟹肉一丝丝嘅，沙律菜都几新鲜。另外叫左芝士翠玉瓜串烧，芝士热辣辣，翠玉瓜咬落唔会干身。焗蚝就有两只，蚝面就落左啲芝士。蚝肉size正常。海虾天妇罗就有五只，天妇罗炸得啱啱好。最后叫左丼瀛特上筑地寿司杯，有七款寿司杯，鱼生都几新鲜。有赤虾，元贝，三文鱼，吞拿鱼蓉，蟹膏，刺身鱼，同芥末八爪鱼。