影片
更多
2010-06-17
7 浏览
荷兰大战丹麦当日, 正好系师傅约左好友食家"乜都放入窿"同食神晚膳一聚, 而食店亦由好友食家"乜都放入窿”精心拣选, 本来打算食完晚饭后先睇波, 但由于订枱时间分两轮, 正好同世界杯开波时间撞到正, 经过商量后决定头盘先睇波, 主菜至食晚饭; 于是决定喺老兰揾间酒吧睇下波先!由于好友食家"乜都放入窿”仍未放工, 所以师傅同食神就喺老兰兜左一阵, 始终老兰唔系师傅嘅心水选择, 而食神亦冇咩推介, 最后见到呢间好似最够冷气, 所以拣左呢间食店为当晚嘅头盘! 入到去人唔多, 可能系早嘅关系, 大部份打工仔都未放工啦, 一坐底个侍应就推介左个世界杯小食拼盆, 师傅同食神望一望觉得都几抵, 加上师傅就鬼死咁饿, 于是就柯打左呢个餐! 世界杯小食拼盆有五款小食, 酥炸鱿鱼圈, 烧猪仔肋骨, 炸俄式猪肉云吞, 炸鸡块同埋迷你蔗虾, 再加两杯指定饮品, 即系喜力生啤!场波都未关, 世界杯小食拼盆率先登场, 师傅第一件先试酥炸鱿鱼圈, 酥炸鱿鱼圈嘅炸粉唔厚, 入口唔油而且鱿鱼圈爽口唔韧, 非常好味, 掂呀; 再黎炸鸡块, 炸鸡块其实同麦乐鸡冇咩分别, 不过当然好味过麦乐鸡多多声啦, 炸鸡块十分松软,
由于好友食家"乜都放入窿”仍未放工, 所以师傅同食神就喺老兰兜左一阵, 始终老兰唔系师傅嘅心水选择, 而食神亦冇咩推介, 最后见到呢间好似最够冷气, 所以拣左呢间食店为当晚嘅头盘!
入到去人唔多, 可能系早嘅关系, 大部份打工仔都未放工啦, 一坐底个侍应就推介左个世界杯小食拼盆, 师傅同食神望一望觉得都几抵, 加上师傅就鬼死咁饿, 于是就柯打左呢个餐! 世界杯小食拼盆有五款小食, 酥炸鱿鱼圈, 烧猪仔肋骨, 炸俄式猪肉云吞, 炸鸡块同埋迷你蔗虾, 再加两杯指定饮品, 即系喜力生啤!
场波都未关, 世界杯小食拼盆率先登场, 师傅第一件先试酥炸鱿鱼圈, 酥炸鱿鱼圈嘅炸粉唔厚, 入口唔油而且鱿鱼圈爽口唔韧, 非常好味, 掂呀; 再黎炸鸡块, 炸鸡块其实同麦乐鸡冇咩分别, 不过当然好味过麦乐鸡多多声啦, 炸鸡块十分松软, 唔油唔太浓亦唔干身, 绝对令师傅有追住吃嘅感觉!
迷你蔗虾虽然细细只, 但绝不马虎, 迷你蔗虾炸得十分之香, 虾味亦甚重, 但绝对唔油, 虽然以虾胶为主, 但仍然十分爽口美味, 得㖞; 炸俄式猪肉云吞炸得好脆, 馅料酥香惹味, 内里带出少少洋葱嘅香味, 绝不过火, 所以真系食完一旧又一旧, 师傅就十分欣赏, 停不了地吃; 烧猪仔肋骨肉身松软, 入口唔干身所以唔韧, 加上烧得非常香口, 极道惹味! 至于喜力生啤就冇咩特别, 只比一般生啤浓少少, 接受到啦!
总括黎讲食物质素颇佳, 环境静静地, 几舒服, 服务态度友善, 价钱相宜, 两旧水个餐, 再另加两杯生啤同一枝啤酒, 埋单都系三百三, 每人百一蚊, 都几抵食; 当荷兰入到第二球时, 三人一致起身松人, 才发觉仍未埋单, 由始可见三人对荷兰附碌地赢波略有不满; 是次小食稍为热气, 但就十分好味, 而呢间食店仍为晚膳前小聚的确唔错, 如果有机会师傅都会再黎, 不论睇波定食饭都好, 都对呢间食店都有信心, 笑脸又点走得甩!
张贴
