Al Dente (已結業)

本来系去另一间！但因为满座！朋友话呢间都唔错！就试佢啦！入到去叫左个两人餐！唔错既选择！头盘选左两样野，青口同埋焗菇！焗青口辣辣地，入面有椒类/大量芝士！味道好夹！青口劲甜！沙律菜好青甜！可以落少少醋就好喇！焗菇个面有蕃茄同红椒，仲有沙律菜！呢个好清新！食完青口可以清一清味蕾！仲有几块面包，可以点油同醋（其实个包黎先，食完才黎头盘...就系咁收走左我个醋 😭）主菜叫左 大虾西冷，块西冷好正！岩岩好！好香好浓牛味！大虾都唔错弹牙既！配菜有烧南瓜/红椒/青椒/西兰花另一个主菜叫左煎鱼，个鱼好鲜甜！虽然唔知系乜野鱼！但佢功夫不少！皮系脆既肉系滑既！冇老 👍🏻 配牛油汁好夹！甜品黎喇！好惊喜既提拉米苏！个底用香蕉！酒味够！个雪糕系云尼拿 👍🏻👍🏻👍🏻最后用冻柠茶埋尾！好很饱！个价抵食 👍🏻👍🏻👍🏻👍🏻