山田海韓國料理

营业中

休息中

白切猪肉包心菜 $278猪肉同脂肪层次分明，食落口感清爽，非常唔错。用生菜包住猪肉、泡菜、蒜头同酱汁会减低咗个肥腻感，非常推荐！辣酱炒鱿鱼 $168食落鱿鱼清爽，辣酱唔会太过辣到食唔到亦唔会太浓味，但系就保留到鱿鱼嘅鲜味，小编就几钟意呢个𩠌，要嚟送啤酒真系好正。海鲜炒年糕 $118海鲜炒年糕用咗韩式长条年糕，烟韧度适中，炒年糕嘅酱汁非常杰身，阵阵辣味挂住喺年糕上面！而且海鲜嘅份量都非常之多，有青口、鱿鱼、蚬同虾， 呢个价钱都几抵食。猪皮烧猪皮小编亦系系极度推介！快烧完嘅猪皮好弹牙， 食完真系觉得啲骨胶原翻晒嚟呀！牛肋骨(有腌）$278牛肋骨嘅腌料带有少少甜味， 本身佢都腌得几入味，烧完之后就更加惹味！海鲜煎饼 $118海鲜煎饼主要系用鱿鱼做材料，味道都几好。小编略嫌觉得馅料可以再多翻少少。但系不得不提既系佢个酱汁，小编觉得煎饼配左佢个酱汁一齐食系提升左成个煎饼味道嘅层次，极度好食。牛肉冷汤面 $110呢个都值得提一提既，系因为咁多个𩠌小编觉得比较唔OK嘅就系呢一个啦，因为个面好淋，而且牛肉嘅份量唔系好多。小编下次会试其他嘢啰。