影片
更多
2024-11-13
234 浏览
好耐冇去日出康城商场，同屋企人去行下，一行4大1小，见西餐好多都要等位，但见陶源中菜有位及晚饭优惠精选就试下！😌见个晚饭优惠精选有六个𩠌，都只系优惠价$498 (原价$708) 都几抵食，大家唔想谂就拣四人餐，虽然唔知大唔大碟，打算唔够先再加𩠌。平时去食中餐都怕点普洱茶，因为饮亲都比较苦涩，但估唔到今次家人叫普洱，饮落好香醇及有少少回甘，一点都唔苦，下次可以再叫！上菜见四人餐其实都几大碟，仲越上越有，食极都未食完…四人餐包括鲜人参炖水鸭汤、藓茄粒粒泡菜苗、香煎一夜情马友、柚子蜜虾球、秘制樟茶鸭(半只)及菠萝鸡粒炒饭六个𩠌。个人比较喜欢柚子蜜虾球、秘制樟茶 鸭(半只) 及菠萝鸡粒炒饭。虾球层皮虽然唔脆，但上枱时入面仲系热及弹牙，感觉新鲜，加上柚子蜜酸酸甜甜好开胃！秘制樟茶鸭觉得几特别，个人比较少食到呢种味道，层皮估唔到有少少脆，而肉质系算几嫩，下次可以再食！而水鸭汤、香煎马友本人觉得比较咸，但马友可以煎到咁香脆都值得一赞！而藓茄粒粒泡菜苗都鲜甜，食得出材料新鲜！而菠萝鸡粒炒饭其实都几开胃，小朋友都好钟意食！由于唔系本人叫餐，而且侍应落左餐后就攞埋张餐纸走左，一路上菜一路食都冇为意其实四人
见个晚饭优惠精选有六个𩠌，都只系优惠价$498 (原价$708) 都几抵食，大家唔想谂就拣四人餐，虽然唔知大唔大碟，打算唔够先再加𩠌。
平时去食中餐都怕点普洱茶，因为饮亲都比较苦涩，但估唔到今次家人叫普洱，饮落好香醇及有少少回甘，一点都唔苦，下次可以再叫！
上菜见四人餐其实都几大碟，仲越上越有，食极都未食完…
四人餐包括鲜人参炖水鸭汤、藓茄粒粒泡菜苗、香煎一夜情马友、柚子蜜虾球、秘制樟茶鸭(半只)及菠萝鸡粒炒饭六个𩠌。
个人比较喜欢柚子蜜虾球、秘制樟茶 鸭(半只) 及菠萝鸡粒炒饭。
虾球层皮虽然唔脆，但上枱时入面仲系热及弹牙，感觉新鲜，加上柚子蜜酸酸甜甜好开胃！
秘制樟茶鸭觉得几特别，个人比较少食到呢种味道，层皮估唔到有少少脆，而肉质系算几嫩，下次可以再食！
而水鸭汤、香煎马友本人觉得比较咸，但马友可以煎到咁香脆都值得一赞！而藓茄粒粒泡菜苗都鲜甜，食得出材料新鲜！
而菠萝鸡粒炒饭其实都几开胃，小朋友都好钟意食！
由于唔系本人叫餐，而且侍应落左餐后就攞埋张餐纸走左，一路上菜一路食都冇为意其实四人餐系包咩𩠌，奇怪的是越食越有，为何四人餐会有咁多碟？
食到尾侍应攞张单黎先知原来夹错左某枱点的孖宝餐落我地张单到，有海南鸡半只及肉丝炆米粉….最后同经理讲，佢地鞠晒躬道歉话同事出错左，话唔好意思及送返糖水及糕点俾我地，但我地既然都差唔多食晒，而且味道又唔错，小朋友又啱食，付费其实都应该！加上经理态度亲切，感觉良好！但部分个别员工态度有待改善...😌
张贴
