DPD Deluxe (已結業)

去大排档食饭一啲都唔失礼， 因为呢度系豪华大排档 ，中西菜式， 各适其适， 中菜晚饭套餐包括三个𩠌， 有老火汤，仲有白饭， 都算丰富，而且价钱实惠， 唔使400蚊 。我哋今晚拣咗水晶鸡半只，🐔麻香炒虾球，🦐🍤啫啫生菜煲 ，🥬🌶老火汤系节瓜红萝卜煲章鱼瘦肉，🥕🐙火候都几好， 不过个汤就唔够热， 扣晒分， 热汤系最基本嘅要求，但系好多时啲餐厅都做唔到 。几个小菜都不过不失，水晶鸡个样就好靓， 皮黄肉白， size不小。 麻香炒虾球有5粒大虾球，用麻辣调制， 加左好多杂菇，好惹味，但系都几辣，因为有落咗花椒又落咗辣椒， 食到有啲喷火。🔥幸好啲虾都几新鲜， 所以都收货啦。 最好食就系啫啫生菜煲，生菜好嫩， 有啲虾酱味，令到煲菜够晒咸鲜惹味，而且用瓦煲上够晒热。 三个小菜两个人食应该系几好嘅配搭，仲有其他菜式选择，钟意食肉多啲又得，食菜多啲又得。呢度最优势嘅就喺人比较少，好安静，坐得几舒服 ，感觉就系喺西餐厅食中餐， 如果啲汤可以热啲就会好啦。