小皇府 (MOKO新世紀廣場)

营业中

休息中

之前都有喺度饮茶食过晚饭， 性价比算唔错 ，见出咗个 夏日海鲜餐， 适逢要同朋友庆生，所以我提议去食呢个餐。 第一道上嘅菜就系 清酒冰镇鲍鱼， 鲍鱼新鲜弹牙。 胡椒焗虾，用石锅上，keep住热腾腾， 胡椒炒得够香，虾够鲜甜。 荷香蒸石蚝 ，够大只，再加调配过嘅蒜蓉辣椒豉油，吊出鲜味。 油浸笋壳鱼外脆内嫩，无得弹。 然后上咗个菜，浓汤竹笙鸳鸯菜远，原来系菜心同芥兰。豉椒花甲煎米粉底， 米粉煎至两面黄，再配惹味豉椒汁，花甲好新鲜，好快清碟。 红烧BB乳鸽，够脆皮，调味啱啱好，唔会过咸。用杏汁蛋白露作为结定 ，唔会太甜，好滋润养颜。 虽然人手不足，不过招呼都算几好，而且坐得舒服。呢餐每人二百几，已经够饱有余，值得留港消费！