皇室冰廳 (已結業)

之前已经黎食过一次，今日约朋友系长沙湾食饭就即刻谂起呢间冰厅。第一道嗌左朋友最钟意食既晚饭小菜 招牌椒盐蒜香猪扒，无食咁耐依然好够椒盐既咸香味，仲有阵阵蒜香味，猪扒肥瘦适中、肉质松软。另外嗌左个晚餐E XO酱茄子牛肉煲，一上枱热辣辣，茄子煮到糜烂咬落去好有茄香味，仲吸哂酱汁既味道，加埋酱汁捞白饭，真系好滋味，如果牛肉可以再生d更完美，可能本身钟意食生d，应该会再嫩滑d。每个套餐都有包例汤同白饭。而饮品就加左$8嗌特饮，有OREO特浓阿华田，阿华田味够重，唔会淡茂茂。另一杯就叫左什果宾治，甜甜地、有气泡、加埋水果增添口感。