影片
更多
2023-03-24
170 浏览
今日同fd即兴约食饭，黎咗呢间尖沙咀嘅居酒屋。离地铁站都几近，系楼上舖不过唔难揾。就咁望落楼面以为好细，转弯先知原来入边仲有位每张枱之间都会有块帘做分隔，保持番啲私隐同距离，唔错。落单系扫QR code，Menu主要见到有刺身寿司、串烧、炸物等等嘅日式料理，见到都有几款唔同嘅清酒可以拣，但第二日仲要返工，所以都系冇叫到。今日返工劲攰想对自己好啲，所以叫咗一份六点嘅刺身。佢哋舖头嘅Wasabi应该系自己磨嘅，唔会特别辣；豉油嘅甜味都几出，唔系𠮶啲一味死咸嘅豉油，都系一只几好味嘅豉油，带得出食材嘅鲜味。啲食材都几新鲜，鱼生嘅质地都几好，特别欣赏池鱼嘅鲜味。我自己冇特别钟意食带子，但佢嘅带子好新鲜，非常鲜甜，值得推介。刺身以外仲叫咗一啲寿司，我个friend食咗啲卷物，佢觉得唔错；我净系食咗三文鱼腩寿司，同埋牡丹虾寿司，都系相当新鲜，所以都几推荐佢哋嘅刺身同埋寿司。另外叫咗一份天妇罗（炸虾、南瓜、番薯、秋葵），炸得好靓，出面包嘅粉好薄，入面嘅南瓜同番薯都几甜，外皮亦都保持到脆度，炸得几出色。即炸虾我去到冻咗𠮶阵先记得食，但个外皮仍然系脆嘅，都有啲意外。之后个friend都拣咗几样串烧，有一只
落单系扫QR code，Menu主要见到有刺身寿司、串烧、炸物等等嘅日式料理，见到都有几款唔同嘅清酒可以拣，但第二日仲要返工，所以都系冇叫到。
今日返工劲攰想对自己好啲，所以叫咗一份六点嘅刺身。佢哋舖头嘅Wasabi应该系自己磨嘅，唔会特别辣；豉油嘅甜味都几出，唔系𠮶啲一味死咸嘅豉油，都系一只几好味嘅豉油，带得出食材嘅鲜味。啲食材都几新鲜，鱼生嘅质地都几好，特别欣赏池鱼嘅鲜味。我自己冇特别钟意食带子，但佢嘅带子好新鲜，非常鲜甜，值得推介。刺身以外仲叫咗一啲寿司，我个friend食咗啲卷物，佢觉得唔错；我净系食咗三文鱼腩寿司，同埋牡丹虾寿司，都系相当新鲜，所以都几推荐佢哋嘅刺身同埋寿司。
另外叫咗一份天妇罗（炸虾、南瓜、番薯、秋葵），炸得好靓，出面包嘅粉好薄，入面嘅南瓜同番薯都几甜，外皮亦都保持到脆度，炸得几出色。即炸虾我去到冻咗𠮶阵先记得食，但个外皮仍然系脆嘅，都有啲意外。
之后个friend都拣咗几样串烧，有一只甜甜地嘅芝士腐皮，我唔钟意啲嘢食又咸又甜，所以麻麻哋； 豚肉荔枝不错，但未算好友惊喜。全晚最出色嘅应该系串烧鳗鱼，我唔系特别好鳗鱼，今日冇特别好想食，但个friend食咗两啖觉得我一定要试吓，我就食咗一啖，确实系非常好，烧熟嘅程度啱啱好，外面少少脆，但仍然保持到爽口，一咬落去鳗鱼嘅油脂系满布成个口腔，非常之香。最重点系好多时啲鳗鱼料理都会落咗劲多照烧汁喺上面，但佢哋落嘅份量系啱啱好，唔会太甜，但有提升到个味道，食完之后仲可以享受留咗喺口腔嘅鱼香，所以鳗鱼系今日嘅意外惊喜，推介大家一试。
另外，我哋其实仲叫咗蒜蓉帆立贝同埋寿喜烧，但对我哋嚟讲一个太咸，一个太甜，所以就唔特别推介俾大家啦。同埋有一点比较可惜嘅系餐厅净系附送冻水，如果想饮茶系要落单一壶壶咁叫嘅，如果钟意饮茶，但又唔想系咁落单嘅就要留意啦。
总括而言，以即兴拣一间餐厅食晚饭来讲，呢间算系几高质嘅日本料理，推介俾大家。
张贴
