讚好台灣

营业中

休息中

星期五约了友人睇Spider-Man，又系到老地方宝石戏院睇戏，散场后约9点多，时间尚早，顺便食埋晚饭，呢头都几多食肆，唔怕冇野食，经过见到呢间台式店子，主打红烧牛肉面、卤肉饭及盐酥鸡等，都几吸引，即想试下，9点多仍是好多人帮衬，幸好刚有2人位。 装潢是简约设计，白色墙身及木系枱椅，感觉柔和，店子面积中等，善用空间摆满座位，密度较高，坐得有点挤迫。 餐牌，牛肉面及卤肉饭之间挣扎左好耐，都系要牛肉面。 自己划。 珍珠奶茶(冻)，跟餐+$10，奶茶唔算好甜，茶味同奶味平衡，珍珠烟韧，味道不俗。 红烧牛肉面，$59。 牛肉份量适中，面就比较偏少，不过呢个份量好啱女仔食，汤底味道浓郁甘甜，面条弹牙，红烧牛肉，有部份牛肉带有筋位，口感松化柔嫩，几好味呀。食物味道几好，价格合理，有下次呀。