Shack Tapazaka

营业中

休息中

今日约咗朋友去铜锣湾，食饭之前去咗耀华街饮嘢kill time，条街不嬲出名多酒吧同嘢食，我哋就拣咗最近街口果一间装修好特别嘅餐厅，可以食串烧呢啲小食又或者直接叫一个正餐。一坐低我就叫左杯白残波，残波系冲绳的琉球泡盛酒，白残波比黑残波味道清新，果味道比较重，最啱想Chill嘅时候饮。朋友就叫左杯健力士，经典黑啤。因为就嚟食饭，我就叫咗啲轻食，日式豆腐海藻沙律。食落去酸酸地，海藻嘅口感亦都好特别，比平日食嘅沙律菜有咬口。送酒当然唔少得串烧啦，我哋仲叫咗肉海纵横，碟串烧绝对衬得起佢个咁juicy嘅名，集合咗烧猪腩片、猪柳肉、牛柳粒同免治鸡肉棒。口味各有不同嘅同时全部都烧得好好，睇得出师傅手势。朋友就好肚饿，所以叫咗铁火丼。吞拿鱼足料到以为自己叫咗厚切餐蛋饭！吞拿鱼食落去啖啖肉，腌咗少少亦令佢唔会太腻，而且送饭一流。