木兆小品 (樂富廣場B區)

营业中

休息中

平时夜晚都几钟意叫𩠌食饭，今晚行过间茶餐厅，见佢装修都唔错，就入去试下。晚市套餐选项都几flexible，我地三个人唔想食咁饱就叫咗主菜同小菜各一款，包埋两个老火靓汤同白饭，都几够食。我地嗌咗姜葱霸皇鸡煲同埋拍蒜凉瓜豉汁炒牛肉，上菜都算快，十五分钟内就有，仲要碟碟都热辣辣。鸡煲有成只鸡髀，唔系全部鸡胸肉，味道都算不过不失。至于苦瓜就不太苦得黎又有少少甘味，本身唔系特别钟意食苦瓜嘅我都食多咗。最有惊喜就系个炖汤，一开个盖就见到底下有几多汤料，饮落去完全唔系平时系茶餐厅饮开嘅味精汤，好有味同好清甜，有种饮紧阿妈煲嘅汤嘅感觉。