荳子 (海壩街) (已結業)

📍荳子 (海坝街) (荃湾)荃湾海坝街99号地下🕐荃湾的Beans💛虽然有两间铺，但仍然长期要等位，限时90分钟。🍔安格斯牛肉汉堡外观正常，个包微暖，馅料层次分明，汉堡扒都有肉汁，但腌得唔够，酱都唔够多，一食落去无乜味，食到中间有多啲酱先好少少。🍟薯条偏淋，唔香脆，食落去比较粉，无想食晒佢嘅冲动。🥗沙律菜同餐饮热柠蜜味道正常。埋单$172，性价比偏低，我会选择午餐嚟食手撕猪仔肉汉堡包。🤵🏻‍♂️另外我想讲吓侍应嘅对答，我坐低咗之后想去洗手间，问边度有，佢好愕然咁话我哋呢度无，要我问佢边度有，先有少少不耐烦咁答我「要去附近商场或麦当劳」，但又唔讲清楚呢两个地点点去，搞到我以为我系咁耐以嚟第一个要去洗手间嘅客人，带咗麻烦俾佢。餐厅嘅staff training 可以再做好啲。