花晨月夕

又到工作比較忙嘅月份，難得今日可以準時收工，就決定獎勵一下自己，去食omakase dinner. 花晨月夕一直都係人氣極高嘅一間omakase店，但我一直都未食過呢到嘅dinner，次次來都係食lunch。果然，dinner真係好特別，同比起lunch我覺得更加抵食！今日雖然冇book位但剛好walkin都係得返bar枱最後兩個位 天公造美，當然要個最高級嘅set。omakse moon $1580 包5款sashimi，御料理，10件sushi。最值得推介嘅，一定係個又好食，又睇得又新奇嘅bubble pop sashimi，用上鯛魚捲住海蝦他他，再加埋魚子醬，本來已經十分吸睛，但係竟然用埋食用番梘，整咗個波波出嚟，會慢慢變大變大，然之後爆開嘅時候仲會有煙霧出出嚟，成件事勁有鮮意，但係記住一個人要影片一個人要影相呀，真係好值得打卡！另外個海膽配ikura都好正，本身呢間嘅ikura比較甜，但係配埋海膽一齊食，就真係剛剛好，又係另一道超好打卡嘅dish！呢度食中午其實水準已經好高，所以食晚餐更加係正啦！