金牌小龍 (已結業)

放工只想找个地方歇歇，和爱的人谈谈一天发生的趣事，就选了呢间价格相宜环境又宽敞嘅上海菜餐厅。餐厅座位都好多，枱与枱之间距离都恰当，而姐姐更唔会将客人挤埋一齐坐，系呢家呢啲非常时刻感觉比较安心！枱面亦有湿纸巾供使用几窝心嘅！食物选择都好多，虽然有啲食物系暂停供应，但剩下都仲有几十款可选择。必吃一定系小笼包啦，见佢地有蟹黄口味就一试，本身好怕会有腥味，但食落完全唔会！帮小笼包拍完美照之后食落唔算好热，所以加啲醋同姜丝成粒啪都可以呢！皮唔算好薄但肉汁几多同埋蟹黄味几鲜。爆汁牛肉馅饼嘅饼皮带烟韧，表面又煎得几脆～牛肉馅唔算好多但就爆汁得好犀利，下次一咬要啜晒啲汤汁佢～唔系就徙晒啦！本身以为呢个麻酱捞面系干捞，原来系有汤嘅，汤底嘅麻酱味都几香，带啲花生香气～面底唔会太淋仲有口感，唔错嘅～之后嗌多个小菜—铁板海鲜豆腐，一上枱铁板滋滋声好热腾腾嘅感觉，豆腐几滑而调味偏胡椒味同埋有层芡汁都几惹味！海鲜就有啲虾同鱿鱼配埋西兰花都几丰富。不过主要都系食面食同埋包点正啲！另外仲叫左啲前菜小食—鸡丝粉皮同埋醉鸡。