影片
更多
2017-06-11
430 浏览
仲记得2016年5月某一天，𠮶日太阳都系由东面升起，我仍然都系起身返工，但真系好烦呀。直到依家，我仲记得好清楚，因为一年后嘅今日，我又要烦过。而我知道明年嘅今日，我都会好烦……呢日系咩日子？就系M佬嘅生日啰！我除咗要谂买咩生日礼物畀佢，又要谂同佢去边度食饭庆祝啦……最惨系，我个人真系无咩idea，去边度食好呢？！左揾右揾，突然记得佢讲过，想食西餐，咁就一于去……中环兰桂芳嘅Espuma啦！话晒又有靓景，嘢食好味又抵食！最重要系M佬钟意食嘛。无嚟一排，原来menu又唔同咗，今次可以试吓新野喇！焦糖单骨鸡翼：8只单骨鸡翼，只只都烧到少少㶶，外皮又甜又脆，入面嘅鸡肉就又嫩又滑。单骨鸡翼食起上嚟除咗方便，仲非常入味㗎。白酒忌廉蓝青口配蒜蓉多士：好……多……青……口……呀！用上鲜甜嘅蓝青口，粒粒都大大只，仲要索晒白酒忌廉汁！配埋脆到咯咯声嘅蒜蓉包，真系唔够喉呀！纸包焗石斑柳及杂菜配黑水榄汁：用纸包住石斑鱼柳、青瓜、黄瓜、薯仔同车厘茄再放入焗炉焗，上枱时仲热辣辣，打开张纸仲有好香好香嘅牛油味，两大块鱼柳再加七彩杂菜，真系好靓呀！鱼柳外皮烤到脆卜卜，鱼肉非常嫩滑，最估唔到系啲配菜索晒石斑嘅精华，好好
焦糖单骨鸡翼：8只单骨鸡翼，只只都烧到少少㶶，外皮又甜又脆，入面嘅鸡肉就又嫩又滑。单骨鸡翼食起上嚟除咗方便，仲非常入味㗎。
焦糖单骨鸡翼
32 浏览
0 赞好
0 留言
白酒忌廉蓝青口配蒜蓉多士：好……多……青……口……呀！用上鲜甜嘅蓝青口，粒粒都大大只，仲要索晒白酒忌廉汁！配埋脆到咯咯声嘅蒜蓉包，真系唔够喉呀！
白酒忌廉蓝青口配蒜蓉多士
28 浏览
0 赞好
0 留言
纸包焗石斑柳及杂菜配黑水榄汁：用纸包住石斑鱼柳、青瓜、黄瓜、薯仔同车厘茄再放入焗炉焗，上枱时仲热辣辣，打开张纸仲有好香好香嘅牛油味，两大块鱼柳再加七彩杂菜，真系好靓呀！鱼柳外皮烤到脆卜卜，鱼肉非常嫩滑，最估唔到系啲配菜索晒石斑嘅精华，好好味呀！
纸包焗石斑柳及杂菜配黑水榄汁
32 浏览
0 赞好
0 留言
纸包焗石斑柳及杂菜配黑水榄汁
22 浏览
0 赞好
0 留言
慢炖牛肋骨肉饭配牛肉烧汁：牛肋骨肉饭用镬仔上，个牛肋骨成只手臂咁长咁粗，好Man呀！用慢煮方法制作，所以牛肋骨肉好入味，又腍又滑，2个人食都食唔晒呀！至于米饭，除咗加入红米之外，仲加入爽口嘅青苹果粒，所以口感好特别，食多啲都唔会溜呀！
慢炖牛肋骨肉饭配牛肉烧汁
45 浏览
0 赞好
0 留言
慢炖牛肋骨肉饭配牛肉烧汁
36 浏览
0 赞好
0 留言
招牌水果茶：以蜡烛保温，配上好多好多生果，除咗够Fresh，仲够晒健康解渴！
招牌水果茶
39 浏览
0 赞好
0 留言
朱古力咖啡：阵阵咖啡香，配埋超香浓嘅朱古力，夜晚饮番杯都唔惊瞓唔著觉啦！
朱古力咖啡
31 浏览
0 赞好
0 留言
张贴
