新竹園軒

营业中

休息中

今日屋企冇煮饭，就带咗弟弟妹妹嚟新竹园轩食晚餐，呢度已经系我哋屋企最常光顾嘅粤式餐馆，唔理系点心定系中菜，都系呢区数一数二嘅。 可以参考下我哋平时食到嘅呢啲菜，瑶柱蛋白炒饭⭐⭐⭐⭐⭐ 妥妥嘅粤式风味非呢道莫属，炒饭粒粒分明唔系𠮶种黏黏地嘅，细细品尝瑶柱蛋白炒饭仲可以感受到渗透住瑶柱嘅海鲜香气，其混合使炒饭增添咗更丰富嘅口感。 黑椒脆薯牛柳粒⭐⭐⭐⭐ 呢一道基本归功于特制黑椒酱汁，酥脆嘅牛柳粒包裹住香浓酱汁，一口食落去绵密酥脆，仲带住微微煎香嘅味道。 秘制榄角骨⭐⭐⭐ 香脆多汁嘅秘制榄角骨咸度刚刚好，秘制酱料有啲微辣，令肉食起嚟更难以抗拒，一口接住一口。 菠萝咕噜肉⭐⭐⭐ 酸酸甜甜嘅爱好者必点，非常开胃嘅一道菜，咕噜肉嘅肉质亦都好鲜嫩多汁，酸甜汁嘅混搭令整体口感更提味，仲好适合下饭噢。 咸鱼蓉煎肉饼⭐⭐⭐⭐ 非常Q弹嘅咸鱼蓉煎肉饼，外层煎得刚刚好，一口食落去可以感受到爽脆口感加上咸香嘅肉质，油脂分布均匀，充满嚼劲感。