籠太子點心專門店

营业中

休息中

朋友约系太子食饭，竟然话去饮茶。夜晚饮茶真系好似都系第一次，而且店铺重要叫做「笼太子」咁威水，一于睇下有咩咁劲叫到做龙太子~蜜味叉烧肠的肠粉热辣辣。但系粉浆略为厚了点，叉烧份量唔够同豉油唔够，所以味道淡了点，重有少少干争争的感觉。坚流心，蒸的时间同埋配料份量刚刚好，做到流心的感觉。唔会太甜同太腻，味道唔错。但系流心的量唔够大，唔够过瘾咸水角热辣辣，炸得够脆够新鲜。入面材料的味道同市面的分别不大，胜左够新鲜出炉。多酱蒸凤爪，其实即系凤爪。酱汁与凤爪的味道材料都同市面的冇咩分别，酱汁够浓但唔算话真系好多酱~哈哈小笼包好食既，入面的肉汁的确唔少，可以啜啜声咁饮汤汁的确唔错。肉质同皮都唔错，几好食。感觉上所有点心中最有惊喜的一道，入面有芝士同埋好鲜味的虾胶，好多汁。出面用面条包住黎炸，炸卜卜几好食。不过炸得比较油腻左少少，女仔食小心肥呀！海鲜萝白丝煎薄饼，其实唔好好食到萝白的味道同口感，只系一道比较脆身的中式煎薄饼。但味道的确唔错，都几好食。