影片
更多
2018-10-02
1751 浏览
肥妹仔今晚同屋企人去咗九龙湾嘅企业广场食晚餐。虽然个位置唔算好开扬，但系入到去都见到好多人食饭，睇嚟呢一间中酒楼都应该有一定嘅水准。蚝皇八头鲍鱼扣金钱四位 $107鲍鱼大大只，冬菇亦都好大粒，鲍鱼食落去好香蚝油味，亦都煮得够淋身，好好食，而佢嘅冬菇用料不错，咬落去啖啖肉，好厚身。金银菜炖白肺汤 $128肥家姐好钟意饮猪肺汤，所以叫咗呢一个白肺汤试一试。个汤好清甜，好浓菜干嘅味道，而猪肺都洗得好干净，一啲异味都冇。竹笙罗汉上素 $78肥妹仔我哋叫咗呢一个罗汉上素食，入面有竹笙，萝卜，云耳，杂菌，菜心，芽菜等等，非常丰富。个酱汁味道够浓，所以食落去唔会好单调，啲蔬菜都好新鲜，食落去好爽口。脆皮猪手 $128只脆皮猪手好大份，外皮炸到非常香脆，而且洒上劲多炸蒜粒，食落去好浓蒜味。猪肉嘅肉质亦都好滑嫩，送饭一流。生煎菜肉包六只 $38呢一个生煎菜肉包就似我哋平时去酒楼食嘅菜肉包一样，不过个底就会煎到香，脆总括嚟讲个菜肉包味道不错。清蒸龙趸斑另外肥爸仲叫咗一条龙趸斑，呢一个龙趸斑超级好食，先讲佢嘅鱼肉，肉质非常嫩滑，蒸既火喉啱啱好，而且佢个蒸鱼豉油非常鲜味，肥妹仔我真系攞嚟捞咗成碗饭食
肥妹仔今晚同屋企人去咗九龙湾嘅企业广场食晚餐。虽然个位置唔算好开扬，但系入到去都见到好多人食饭，睇嚟呢一间中酒楼都应该有一定嘅水准。
蚝皇八头鲍鱼扣金钱四位 $107
鲍鱼大大只，冬菇亦都好大粒，鲍鱼食落去好香蚝油味，亦都煮得够淋身，好好食，而佢嘅冬菇用料不错，咬落去啖啖肉，好厚身。
金银菜炖白肺汤 $128
肥家姐好钟意饮猪肺汤，所以叫咗呢一个白肺汤试一试。个汤好清甜，好浓菜干嘅味道，而猪肺都洗得好干净，一啲异味都冇。
竹笙罗汉上素 $78
肥妹仔我哋叫咗呢一个罗汉上素食，入面有竹笙，萝卜，云耳，杂菌，菜心，芽菜等等，非常丰富。个酱汁味道够浓，所以食落去唔会好单调，啲蔬菜都好新鲜，食落去好爽口。
脆皮猪手 $128
只脆皮猪手好大份，外皮炸到非常香脆，而且洒上劲多炸蒜粒，食落去好浓蒜味。猪肉嘅肉质亦都好滑嫩，送饭一流。
生煎菜肉包六只 $38
呢一个生煎菜肉包就似我哋平时去酒楼食嘅菜肉包一样，不过个底就会煎到香，脆总括嚟讲个菜肉包味道不错。
清蒸龙趸斑
另外肥爸仲叫咗一条龙趸斑，呢一个龙趸斑超级好食，先讲佢嘅鱼肉，肉质非常嫩滑，蒸既火喉啱啱好，而且佢个蒸鱼豉油非常鲜味，肥妹仔我真系攞嚟捞咗成碗饭食。
张贴
