回春

营业中

休息中

长沙湾有唔少cafe，但好多都冇做晚市，所以见到呢间有开就去试下，而呢度都有几多晚餐选择。我同朋友每人拣咗样嘢嚟share，再加两杯饮品同一件cake，人均大约$200。⭐巴斯克炖鸡巴斯克蛋糕就见得多，炖鸡真系第一次听，见网上有人推介就试下。巴斯克炖鸡主要系用新鲜蕃茄配埋好多香草、洋葱、红黄波椒去淆个酱汁，食落酸酸地，好开胃。鸡肉系用咗两大块鸡腿肉，份量都几多，而肉质几嫩滑，食落唔会话干争争，所以几好味。⭐斧头猪胺伴红酒川贝肉桂炖啤梨初头唔知猪胺要夹埋啤梨一齐食，就咁食块猪胺会觉得偏咸，点知夹埋嚟食原来劲正，味道咸中带甜，好有层次。猪鞍煎得够熟，香口得嚟但口感冇变韧。个红酒川贝肉桂汁可以用惊艳嚟形容，淆到个啤梨入哂甜味，必食！⭐自家制开心果巴斯克芝士蛋糕巴斯克蛋糕整得几软身，开心果味几够浓，每啖点少少cream食更加将味道提升。⭐火龙果杞子莓莓燕麦奶昔⭐牛油果青瓜啤梨羽衣甘蓝燕麦奶昔叫主菜可以用优惠价饮呢啲健康饮品，奶昔食材系真材实料，拣咗少甜，所以饮落好fresh，仲好高纤维，可以排毒。整体嚟讲，呢间cafe嘅嘢食几高质，环境又舒服，价钱又唔贵，绝对值得试下。