Bugis@叻沙・海南雞飯

营业中

休息中

大人迟咗收工，我唔想买外卖，相约不如快快食餐饭再回家休息。到咗钻石山，大人话想食鸡面，即刻揾定位叫定嘢等大人驾临！叫咗两款，分别系慢煮无骨海南鸡叻沙渗渗及巴东牛肉配银鱼仔椰浆饭。慢煮无骨海南鸡叻沙渗渗：无加钱竟然食到鸡髀，正！鸡肉够滑唔鞋，汁酱味道同鸡肉匹配；渗渗即是油面同米粉，软硬适中；汤头味道唔会太咸，虽然不太辣，但有少少后劲。巴东牛肉配银鱼仔椰浆饭：叫咗加饭而真系有加，赞！牛肉够淋，不过个汁有少少杰同冇乜味；银鱼仔、青瓜加太阳蛋配椰浆饭真系绝配。