伽倻韓國餐廳 (已搬遷) 新店位置

话说星期五同男朋友系无订枱o既情况下贸然走去Time Sq. 谂注食韩烧，7：15上到去个waitress话比我o地听最快要等到9点，心谂，有无咁旺场呀~ 就系呢个时候，望到对面大厦个招牌，唔洗谂即飞奔过去睇下有无位~ 虽然要等下，但系个汉籍waitress话大约20分钟就有位，无所谓啦，等一阵o者。利用等位o既时间刨定本menu，一入去就可以叫，yeah~当晚叫o左：烧烤类："秘制牛肋骨"，个waitress话系用麻油&盐腌，其实系无腌过o既牛肋骨肉，烧完点个麻油加味盐(味道好似我o地o既华盐，但系海盐咁粗)。可能因为系雪藏货，无乜肉味，我都系觉得平时食开用酱油腌个只好味D。不过试下无妨~ 其他地方都无~小食类："煎豆腐"，又系好普通o既菜，豆腐无豆味，煎得死实，最搅笑系个"韩式汁"系豉油+辣椒丝!主食：泡菜猪肉煎饼，呢个酸酸辣辣o既pancake物体个样就唔系好吸引，但味道就唔错，食完一份想追加多份~ 正!值得一赞系呢度服务态度好好，不停有人加茶，D waitress/waiter 都好有礼貌。