BEL CIBO Seafood Bar & Restaurant (已結業)

同朋友行行下街有d肚饿，朋友就介绍左依间我食下。两日叫左个set dinner一上菜，有两朵玫瑰花嘅烟三文鱼，几有心思。平时食烟三文鱼我就好一般，不过依个配香芒油醋汁再加菜沙律就几开胃，个芒果汁好香浓，几合我口味依个白汁味嘅蚬味道ok，配合大伞菌味道都几夹。 大伞菌好厚身，好汁感，上面有几粒芝士味焗嘅田螺好入味，芝士加田螺加大伞菌三种唔同嘅口感放在一起好好味牙。依个时候叫反杯朱古力味咖啡几香浓，不用加糖都够味。上左个杂菜汤好足料。主菜五选二，叫左个意大利红花粉煮鲜虾长通粉，虾食落爽甜新鲜大只，唔错。 长通粉配合虾食加上香草汁几清新。再叫左个柠檬炭烧原条芝麻斑。鱼一上枱比想像中细，柠檬味重。一般炭烧会比较干身无咩肉汁，依条芝麻斑就无依个问题啦，都算系可以锁住到d鱼汁，唔错，食落几香口。最后有主要嘅甜品上，系蕉糖同云喱拿雪糕配士多啤梨酱嘅布丁。个两个雪糕都几甜，反而个布丁口感几好再配士多啤梨酱好夹，唔错。