必勝客

营业中

休息中

屋企附近街市装修，暂时都冇得买𩠌，又系时候俾母亲大人休息下出去食唔洗佢煮。叫左个点芝扭扭批2人套餐$292加1--意大利菜汤--正常，入面既菜都多，不过有少少咸。俄罗斯沙律--几特别，几清新！钟意脆片夹埋薯仔沙律，有口感，仲有大虾，口感丰富。拿破仑鸡肉烟肉意粉--汁多，较稀。味道偏咸，但当中配料都多，有菇、鸡肉同烟肉。意粉都够弹牙。鲜茄罗勒大虾pizza--到今晚主角pizza！好多芝士，多到涌出嚟！第一次食扭扭批，喜欢芝士既我真系一试爱上粒粒都充满芝士，非常满足。Pizza系千岛酱做底，味道ok，可配埋类似忌廉芝士酱嚟食，不过食得多会腻配返辣椒仔酱又可以开胃返食多件！