北京樓 (新城市廣場一期)

营业中

休息中

冇book位谂住walk in，5点40左右到门口，已经有一堆人排队，门口部机冇得拎票。等到50分隔离庭X开始叫拎票，食北京楼既人都系同一个位拎票。营业时间6点前3分钟左右北京楼门口先有人接待，好快就入到去坐低即刻开茶。茶树菇上汤翡翠苗份量几大，3-4个人食就差不多睇落味道几浓郁，实在系冇乜味，清清地，夹埋个茶树菇食就味道刚好。浙江高邮黄金虾球粒粒都好大只，包满咸蛋黄，但唔会咸，食完唔会要饮啖水🤭苏杭砂锅东坡肉方呢旧东坡肉唔算肥，只系面头一层小肥肉，软熟，食完成旧都唔会觉得肥腻。状元楼豆沙锅饼第一次食圆形既豆沙锅饼，原先以为好似menu咁一个半圆，会比较有趣。食落冇乜特别，虽然佢地痴埋，但有小小好似皮还皮，馅还馅咁。唯一系边位有小小脆口，可以咬下。