薩莉亞意式餐廳 (平田商場) (已結業)

第二次嚟呢间食晚餐，食物好平靓正。中华沙律🥗$9，但佢唔好食，我唔钟意𠮶个海草，因为搭配好怪，同我平时食𠮶啲海草系好似煮熟咁，即系好似我哋平时煮菜心咁嘅味道，所以我唔钟意食。但因为我会嗌啲肉类，所以我就拣咗海草，但我唔知原来系咁唔好食。粟米忌廉汤$10，我好钟意❤️𠮶个粟米🌽，开头想试吓呢个，但估唔到几好味😋，佢同忌廉好衬，我下次嚟都会嗌呢个。蕃茄烟肉意大利粉🍅🥓🍝 $29，蕃茄味好浓，烟肉一般，所以呢个味道都一般，下次可以试卡邦尼意粉。照烧汁肉眼牛扒🥩$57，系所有菜入边最贵嘅菜式，其实我开头都唔知点解佢咁贵，但试咗先知牛扒🥩好Juice，而且好嫩。同粟米薯角好衬，因为粟米🌽好甜，薯角一般但都好味😋。甜品一定系必不可少嘅，我就会嗌意大利布甸🇮🇹🍮,布甸好甜又好滑，同我平时食开𠮶啲布甸🍮唔同，焦糖好正😋，非常喜欢😍😍😍，下次嚟一定会嗌呢个。呢一餐是$121，唔使$200就可以食到咁正嘅美食，真系又平又靓又正，下次都会嚟呢间食，不过你哋千祈唔好去饮品吧，唔好贪小便宜啊，我头先去饮品吧睇到，𠮶啲杯有油积㗎，哦但店员好友善，勉强可以接受呢间餐厅。希望佢嘅卫生情况可以改善。多谢合作。