味道樂居酒屋 (元州街) (已結業)

嚟到呢度，系一定会叫寿司食，叫咗一个蟹籽寿司，我非常新鲜，啲蟹籽好脆卜卜，紫菜亦都好脆！另外芥末八爪鱼寿司，八爪鱼好新鲜，好爽口，而且芥末配合得啱啱好！再叫咗牡丹虾，好爽口，好甜，加上卖相好靓，鲜甜多汁！再叫咗黑酸猪软骨拉面，里面嘅材料好丰富，首先啲猪软骨好入味，软硬适中，再加上有蔬菜嘅配料，更加健康，面嘅硬度非常好，烟烟韧韧，再加上有糖心蛋，所以成个面口感层次丰富！黑蒜黑豚肉卷，黑蒜味非常之香，带有微微甜嘅口感 ,啲豚肉亦都非常Juicy,烧得啱啱好！味淋鱼干，惹味香口，加上配少少沙律酱，更加有口感，鱼干外脆内软！仲有一个鹅肝寿司，啲鹅肝非常之肥美，内里肥美多汁，香口浓郁！最后一个系酱油烧芝士年糕，首先外边有好香嘅酱油味道，里便系好香好软林林嘅芝士年糕，最独特嘅地方，系上面配上紫菜，食落口感更加丰富！