土司工坊 (已結業)

近排爱上食喇唦 贪佢够浓味又唔太辣，……啱晒我呢啲食辣初学者 见到呢度嘅喇唦系人气商品，自然要试一试佢实力 呢度嘅环境好宁静，舒服 夜晚七点几晚饭高峰时段，都只系得两三枱客，似cafe出去cashier比完钱，先自行攞嘢饮返埋位，再等waitress将食物送到枱上。《热奶茶》已经预先加咗炼奶，味道略甜，茶味唔算重，味道还可以。唔驶五分钟，《星洲叻沙》送到 哗 都几辣……对我嚟讲系一个挑战！有八个辣 (十个辣系满分)，不过好多料，啲𩠌味道一般，都系靠个汤底，同埋比较“的骰“，汤底都算惹味，不过就太多辣油。面嘅份量好少，系我平时食晏时，其他店嘅三份二……或者都未有 小过一包乌冬嘅份量。因为份量太少，我哋一人一个叻沙都未够饱 谂住嗌多个咖喱试吓……噢 未够8点已经卖晒！利害！利害！咖啡一般。