三德素食館 (佐敦薈)

营业中

休息中

系尖沙咀覆完诊，想食下素食，清肠胃，最后决定去三德。其实一直都听闻三德的素食点心系素食界好出名，但系好少咁早出市区，未有食过。今次试下晚饭小菜先，如果OK，一定会再试下佢的点心。叫左四个菜，先来砂窝津白素翅云吞，个汤底好味，唔似有味精，饮完无口渴。一直都喜欢食云吞，三德的云吞较散，个人觉得素云吞都系大力素食的好味D。素海参豆腐味道不错，尤其个豆腐，炸完后仍然好女嫰滑，素海参个造形好似真的，但就无乜味。串烧，坦白讲真系麻麻地，因为之前系妙法斋食过一次类似的串烧，印象好深刻，好味过真串烧，三德呢个真系麻麻地，可以不试。干炒河粉，都系一般般，个味较淡，亦比较油。反而最后送的红豆西米糖水，好好味，不太甜又足料。可能佢的点心会出色D，如果晚饭小菜，我觉得一般。