鐵牛台灣牛肉麵 (金巴利道) (已結業)

午餐点了一个烧鸡腿扒卤肉便当 + 香葱麻辣猪软骨担担拌面，午市套餐可以加 $10 配冻珍珠奶茶，每人人均消费：$76。烧鸡腿扒比较厚身，鸡皮薄脆，但本身鸡扒味无乜味，要靠酱汁提升味道。卤肉饭酱汁唔多，味道正常。便当配菜系：红椒黄椒，无特别调味，得黄椒本身嘅甜味；凉拌粉丝，有台湾风味，不会太咸；蒸蛋，蛋入面有蔬菜，蛋蒸得过熟，质地偏硬。担担拌面，面质烟韧有弹性，麻酱配上麻辣味，味道突出又融合，辣度偏小，适合食 BB 辣程度嘅朋友，猪软骨好入味好软滑。珍珠奶茶甜度偏甜，所以拣咗微甜，茶味偏淡，味道一般。餐厅座位宽敞，午市虽然人多，但都唔需要等位，坐得舒服，上菜速度都快。不过由于餐厅喺地底，手机讯号唔太好。