影片
更多
2019-02-28
369 浏览
日本野系食唔厌嘅！星期日晚想揾间唔使排咁耐队嘅餐厅非常困难，谂起红磡火车站隔离嘅无人商场，果然唔使等，间间都好多位，太想食日本野就去试下衣间梁山泊。座位几多，当晚最多人时期都系得4-5枱客因为近情人节所以有个set，好似抵食过散叫，就叫左佢。首先来到嘅系刺身盘卖相系几吸引嘅，种类几多，有鲍鱼有大虾有海胆有带子。虾同带子都几甜，鱼都唔会好散，有一定嘅厚度。不过所有野个雪味都好重，海胆几腥，食左一啖就比晒另一半食。再来八件寿司色水很普通，但食落唔算太差，无咩特别。之后就到烧物，先来是烧鱼，唔会太干，烧得几香口，食落觉得份量都几多。烧台湾肠，香口，重味有点太咸牛舌几厚，算系最好食嘅一种烧物，唔会好难咬仲有点汁。黑毛豕串，味道又唔觉得特别，系香口d,不过都系有点太咸。黑松露海鲜炒饭 黑松露香味十足，不过食落d饭又无咩味，有点干。后面样样都咁干食得有点辛苦。幸好最后有柚子雪芭中和下d油味同干渴感。仲要有柚子粒粒系中间，好味嘅！当日客人唔多，所以侍应感觉都懒散一点，有几次想揾人都挂住倾计睇我地唔到，同埋食咁多烧物都要饮几多水，但全晚都无加过水。服务有进步空间。埋单加埋一都九百几，以衣个价钱可以食好
星期日晚想揾间唔使排咁耐队嘅餐厅非常困难，谂起红磡火车站隔离嘅无人商场，果然唔使等，间间都好多位，太想食日本野就去试下衣间梁山泊。
座位几多，当晚最多人时期都系得4-5枱客
因为近情人节所以有个set，好似抵食过散叫，就叫左佢。
首先来到嘅系刺身盘
卖相系几吸引嘅，种类几多，有鲍鱼有大虾有海胆有带子。虾同带子都几甜，鱼都唔会好散，有一定嘅厚度。不过所有野个雪味都好重，海胆几腥，食左一啖就比晒另一半食。
再来八件寿司色水很普通，但食落唔算太差，无咩特别。
之后就到烧物，先来是烧鱼，唔会太干，烧得几香口，食落觉得份量都几多。
烧台湾肠，香口，重味有点太咸
牛舌几厚，算系最好食嘅一种烧物，唔会好难咬仲有点汁。
黑毛豕串，味道又唔觉得特别，系香口d,不过都系有点太咸。
黑松露海鲜炒饭
黑松露香味十足，不过食落d饭又无咩味，有点干。后面样样都咁干食得有点辛苦。
幸好最后有柚子雪芭中和下d油味同干渴感。仲要有柚子粒粒系中间，好味嘅！
当日客人唔多，所以侍应感觉都懒散一点，有几次想揾人都挂住倾计睇我地唔到，同埋食咁多烧物都要饮几多水，但全晚都无加过水。服务有进步空间。
埋单加埋一都九百几，以衣个价钱可以食好d。
张贴
