必勝客

营业中

休息中

午饭唔想行太远，又想食西餐，office周围唯有pizza hut可以拣。今次拣咗二人套餐，有三杯鸡大批，白汁鸡皇饭，小食加左15HKD换左薯格同鸡翼，仲有2罐可乐。三杯鸡披萨好好味，鸡肉好多，仲有洋葱同青椒。鸡肉唔知加左咩酱，似甜面酱勾啲辣酱，好惹味，同芝士好夹。睇落就好辣，食落唔觉得有辣味，唔错。好钟意食pizza hut啲辣味鸡翼，今日话冇，只可以拣原味鸡翼。食落好似同辣味鸡翼差好远，可能腌制唔够时间，食落好淡，唔得。 薯格送左上来已经淋左，好失望。哩间pizza hut出品真喺好唔得，除左披萨OK，其他嘢食都麻麻地。