火山燒 (已結業)

火山烧呢间餐厅既环境靓，无论灯光，餐具同食物既卖相，都系好岩打卡。系荃湾来讲，系一个人气日式食店。佢既晚市就经常吸引到好多人排队光顾，不过餐厅下午茶既时段，就好清静嫁㖞。所以，有时我一个人食，又唔想环境太嘈，我都会拣呢依到店食野既。依个焗饭系我系到呢间餐厅第一次试食既下午茶餐。我期待系好多芝士，会拉丝个种。咁实际呢到既焗饭，都有芝士既，都拉丝既，不过佢既茄酱系非常非常特出，特别地酸既，遮盖哂其他味。鸡扒系炸过，都正常嘅。如果钟意好酸既蕃茄酱味，咁可以一试。第一眼感觉系好大碟，份量好多，酱汁都好多。面质既系偏硬同幼身既，忌廉汁偏淡，烟三文鱼量都多既，仲左加左洋葱粒。抵食既，食得饱肚既。呢个餐系我觉得三款之中最好食既，吉列豚柳上面加左片车打芝士片，加埋甜甜地既烧汁，捞埋粒温泉蛋，同珍珠米，都几夹。题外话：下午茶既餐都系送热饮一杯，同一款餐汤（忌廉汤或面豉汤）。