甜蜜蜜甜品專門店 (已結業)

同朋友夜晚食完饭之后，因为时间都比较早，我哋决定就要去揾一间糖水舖去食糖水，因为好多嘢都仲未倾完，所以决定揾间糖水舖可以坐下倾吓计。去到厚福街呢边，本身谂住去食鲜芋仙，但系因为已经排晒筹，所以拣咗呢一间糖水舖。虽然都等咗20分钟左右，但系都总算有位可以坐。我哋最主要都系因为想揾个地方坐倾吓计，所以食物质素方面我哋都觉得普普通通嘅，我就点左个紫米露芋圆，朋友就点左香蕉窝夫，同埋榴梿冰，仲有杂果雪糕。我觉得个芋圆唔算好好食，都算好一般。朋友个榴梿冰就好好食。所以我觉得揾个位坐下倾吓计呢间糖水舖都算可以嘅，但系你话想好食嘅就未必系边呢一间喇。