灑家燒味小廚 (已結業)

夜晚喺V City食饭，唔想等位就入左呢间。入到去一望餐牌，哇，呢啲食物黎讲好贵。不过喺V City入面，贵都系正常。拣左一阵，叫左柱喉牛腩面、皮蛋瘦肉粥同沙疆鸡半只。柱喉牛腩面黎到吓一跳，劲细碗，啲𩠌铺满哂个表面，唯有食左好多𩠌先可以食倒面，好唔方便。味道一般，并无特别 。皮蛋瘦肉粥份量正常，但味道都系一般，而且味道偏淡，唔系人人啱食 沙彊鸡定价有啲奇怪，例牌$68，半只$72，咁无理由差4蚊唔买半只。但例牌怕唔够食，半只又惊太多。味道唔错，有味得黎唔会太咸，骨又唔碎。环境方面，餐厅嘅设计唔错，赏心悦目。特别喜欢中间嘅特色长枱，令人感觉餐厅空间唔会太逼。服务方面，待应算贴心，见的我枱面太逼，隔离又冇人，主动帮我拍埋两张枱，值得一赞。要弹嘅系，黎到嘅时候，张枱未清洁干净，所以俾我感觉衞生唔好。