Nara Thai Cuisine (新城市廣場一期)

营业中

休息中

今日好早六点钟就去到沙田揾食，见呢间唔使排队，就即管入去试吓好唔好食啦。一入去坐低，侍应已经攞咗一碟虾片过嚟，睇一睇餐牌，原来呢一碟虾片要比$15。咁都要试下好唔好食先喇，都叫脆嘅，算啦。两个人叫咗三样嘢，先叫咗半份虾饼， 有3个盛惠$52 ，几厚肉几有虾味，炸到出嚟都几脆口。再叫咗个泰式炒金边粉，出奇地唔系好热，一边有几只大虾，几爽几弹牙。但整体来讲呢啲野冇乜特别好食。反而叫左个椰子鸡汤，可以拣走辣，椰子味好香浓，里边有好多旧鸡，但唔系平时中式汤饮𠮶啲有骨斩件鸡，而系一嚿嚿好似鸡柳咁嘅，无骨啖啖肉。