黃金茶寮點心專門店 (已結業)

今日收早，坐坐吓巴士返屋企途中肚饿，在荃湾落车揾食喜欢食点心既我对脚好自然咁行咗去以前食过几次既点心专门店，呢间点心店比我印象唔差，D嘢都食得吓！得自己一个人而且下午茶所以只选择了两款点心凤爪排骨饭之前都食过好多次但今次再食略为有少少失望送到黎退时候就知道一定系即叫即蒸既，而且见到D饭一粒一粒唔会好似煮粥仔咁，期待入口会几有口感点知食落真系有好大出入D饭太软身喇，完全冇咗爽身饭粒应有既质感，有D失望再食吓D凤爪排骨，D𩠌味道就ok㖞，可惜D饭大打折扣再试吓个炸水饺仔（呢款点心第一次食）目测外观一般般啦，但点知食落又几好味㖞，只系细只少少啫，肯定系即炸既，食落完全唔油，几好功夫而且味道配合得几好，下次黎会再食的，总括呢餐紧紧合格啦（因为D饭扣咗唔少分）希望下次会有所改善啦！