糖山莊

营业中

休息中

同朋友系屯门碌完令，搭搭下轻铁肚饿想食糖水。印象中上次入屯门有间糖水舖都中规中矩，而且我同男朋友都要系安定搭翻车出去，既然都会经过咁就食食佢啦！入到去都几多位，可能系平日所以无咩人，咁就好啦 可以坐得松啲舒服啲。Menu嘅款式好多种类都好普遍，但款式好多 我都拣咗十分钟先拣得啱心水。最后拣咗芒果雪糕+芒果冰配爆爆珠，因为我唔钟意爆爆珠问店员可唔可以转其他料，系可以转架而且唔洗加钱，所以拣咗小丸子。等咗一阵，就有得食啦。旧芒果雪糕...硬到...我都系摊吓佢先..芒果肉好甜，甜到似浸过糖水，又有可能系面头加咗芒果酱先咁甜。小丸子好烟un，无乜甜味，纯团子味道。芒果冰唔可以话好幼滑，似绵绵冰质地，味道偏人工化似浓缩芒果汁咁。个雪糕系食晒所有嘢最后先食，仲系偏硬，雪糕有啲奶味，无冰粒，称不上滑，似系啱啱个绵绵冰嘅芒果味加咗啲奶整成嘅雪糕。总括而言，不过不失，都系想揾啲甜嘢过吓口瘾，如果要求不高可以一尝。