韓閣

营业中

休息中

好耐无打食评喇！都好耐无食韩国菜，仲突然想食韩式炸鸡！以前同同事去过宝琳间韩阁，记得都几好食，估唔到睇open rice 发现黄大仙都有间，就同朋友一齐去食。见到大家都推介猪手，就叫左个例牌，份量都够两个人食，我就几喜欢这款猪手，但朋友就话似超市买果啲猪手🤣🤣大家口味唔同，点埋佢个酱汁，味道不错。当然唔少得韩式炸鸡啦，今次点左传统酸辣味，全都是有骨炸鸡，但部分位置系无骨。然后我发现个sauce 好似有蜜糖味？但只系局部地区性的有蜜糖味🤣唯有当餐厅俾我试两款口味啦！但佢个炸粉有点多，普通。呢个白汁黑松露蛋卷。。。走酱会好食啲。。。蛋部分绝对无问题，或者系可以接受。。。可能小弟见识浅薄，佢个酱。。。白汁？系用沙律酱捞黑松露？酸酸地？总之唔系平时西式点薯条果种味，更唔好提无乜黑松露味。。。最后我地仲叫左个海鲜煎饼，一睇就知煎饼一啲都唔脆，粉多皮厚够哂饱肚，酒楼级数也许都得罪煎薄餐嘅师傅。两个字，难食。唯一开心番少少🤏🏻嘅位置，就系原来佢每食够$100就可以夹一次波波，但至少都要20分才可换礼物，而我只有两分🤣🤣，不过志在玩下。我谂都无机会储到分的了。