稻香 (新九龍廣場) (已結業)

老人家生日,要左一个十二人餐,有乳猪拼盘,生菜鲍片,蒸鱼,炸子鸡,鸡丝翅,伊面,生果等例牌货色,另可自选三款菜式(当中有十几款可拣),我地拣左炸蟹拑,蟹王扒翡翠,同埋一个我唔记得左既菜,而由于系寿宴,甜品改为寿包。呢个餐可以任饮汔水,啤酒,同汁先生,都算几好㖞!做得唔错既菜包括乳猪拼盘,同埋蟹王扒翡翠。前者本来度度都一样,但系估唔到呢度整到唔肥而且唔太油,皮又脆,份量多,所以比想像中好;后者更加估唔到有咁多蟹王,而且好好味,所谓翡翠系西兰花,完全唔多油,配蟹王食原来好好味,呢个菜式值得一试!宜改善既系蒸鱼同埋寿包,前者稍嫌唔够滑,但胜在够大条,肉多,味道咸左少少(应该系豉油问题);后者太大个喇,好多莲蓉,食到好黏牙,又滞…其中个炸蟹拑都好味,同埋又系难得唔油。至于其他,都系普通。上菜唔算慢,一味黎完到一味,时间刚刚好空档,算系咁。服务态度亦佳,ok!