R66 旋轉餐廳 (已結業)

为试而试，原本都唔系好特别姐。地方其实都好旧下，好多边边位都好污槽好多尘 食物选择都OK既，唯一唔好系冇sushi !!! 烟三文鱼好味，烧肉呀果D就唔得。炒饭试过都OK。甜品质素都算系咁架啦，种类都算多既，但忌廉蛋糕系冇cream既 芝士蛋糕以经系软果只已经算数啦，仲要系一D芝士味都冇我话呢个先系忌廉蛋糕就真。面包布甸唔好食 好似未够火路，布甸底唔滑，面包又唔脆。 系就系有个云呢拿汁，搞到我满心欢喜，但系原本劲难食!!! 云呢拿汁唔系用云呢拿枝做，唔香又唔滑，有D好假既感觉。 咁样真系冇好过有炖蛋系比较好既一个，够滑够甜。 但系得几粒杂莓就悭皮左小小啦......焦糖汁都做得不错朱古力喷泉有其实等于冇因为根本冇野好玩...净系得几块曲奇同手指饼，最多得棉花糖，食黎左咩... 所以见到都冇咩人食啰...最好食系忌廉PUFF 入唧满晒吉士，面头有白朱古力，不过就甜左D啰....环境系几靓既，不过靓就净系得中环or铜锣湾果边靓，其他地方都冇乜好睇。试过就OK啦，唔洗再食第二次；不过价钱系实惠既。