影片
更多
2010-08-09
2851 浏览
一年一度书展，夜晚为左食完可以再入返去继续，就拣左呢度。叫左一个意大利 pasta，一个日式便当，二人 share 食，之后再食左个甜品自助餐。分别饮冻柠同日本茶。个 pasta 味道可以，蕃茄同芝士味配塔得 ok。日式便当稍嫌普通，尤其是有样只系鸡蛋寿司。啲红姜几鲜甜醒胃下。日本茶系成壶畀你，不过都只系落茶包，如果系落茶叶嘅话就地道好多。甜品方面都系一般。各方面不过一失，无特别深刻印象。又唔会话差到唔配摆喺会展之类，不过的确系几普通。另外如果书展期去嘅话，要预左外面啲人流不断咁行。服务态度麻麻，呢度啲人会未食哂就收你啲碟，事实上我只不过系放低双筷品下茗，好明显啲侍应所受嘅训练唔足够。啲音乐好 rock，重要来来去去同一首，同间餐厅嘅格调本身好唔夹。难怪除左我地之外都好似无情侣档。重有一点同饮食无关但令我印象深刻嘅，系隔离台有人不停咁大声讲嘢，影响我食嘢嘅雅兴。可惜呢度嘅职员，并无理会呢啲破坏间哂间餐厅格调嘅不文明行为。书展期内，我地见证住外面啲人流由六点到十点都川流不息，但点解呢间嘢喺晚餐时间都系只得𠮶三四台客架呢？我真系谂唔明。等我重惊啲书展人夜晚会迫满呢度，一早 book 定位添
叫左一个意大利 pasta，一个日式便当，二人 share 食，之后再食左个甜品自助餐。分别饮冻柠同日本茶。
个 pasta 味道可以，蕃茄同芝士味配塔得 ok。日式便当稍嫌普通，尤其是有样只系鸡蛋寿司。啲红姜几鲜甜醒胃下。
日本茶系成壶畀你，不过都只系落茶包，如果系落茶叶嘅话就地道好多。
甜品方面都系一般。各方面不过一失，无特别深刻印象。又唔会话差到唔配摆喺会展之类，不过的确系几普通。另外如果书展期去嘅话，要预左外面啲人流不断咁行。
服务态度麻麻，呢度啲人会未食哂就收你啲碟，事实上我只不过系放低双筷品下茗，好明显啲侍应所受嘅训练唔足够。
啲音乐好 rock，重要来来去去同一首，同间餐厅嘅格调本身好唔夹。难怪除左我地之外都好似无情侣档。
重有一点同饮食无关但令我印象深刻嘅，系隔离台有人不停咁大声讲嘢，影响我食嘢嘅雅兴。可惜呢度嘅职员，并无理会呢啲破坏间哂间餐厅格调嘅不文明行为。
书展期内，我地见证住外面啲人流由六点到十点都川流不息，但点解呢间嘢喺晚餐时间都系只得𠮶三四台客架呢？我真系谂唔明。等我重惊啲书展人夜晚会迫满呢度，一早 book 定位添。
张贴
