影片
更多
2012-03-05
152 浏览
友人出左丰厚bonus，邀约一众好友，一行8人食返餐好o既，拣左呢间 "龙泉" 私房菜。但系食饭前一日，临时转左去隔离海防大厦食，去到间野个名叫"尚膳"，但食o既野系一样。我唯有拣返卡片果间写食评。可能系星期五o既关系，8点去度，已经满座。两间房都人头涌涌，我地坐大厅。因为朋友只有卡片，所以我地点o既系卡片后$248 o既套餐，上到去先知原来有更多选择可以拣。服务态度普通，由操唔正广东话o既婶婶serve，当然我地都明白系呢d地方唔可以要求好好service。(顺卡片序写)第1味：生拆蟹肉金山勾翅。味道一般，翅o既份量还可以，每人勉强都可以有两碗。第2味：花雕蛋白蒸海蟹。有3只蟹，都算新鲜，蟹膏够多。蛋白蒸得够滑，但冇咩酒味。第3味：原只鲍鱼扣山珍海味。除鲍鱼外，有海参、花胶同小棠菜。鲍鱼炆得够腍，都几有味。其他就普通。第4味：天下第一鸡。呢味系最尾黎o既。鸡冇咩特别，鸡皮布满芝麻。味道较咸同好似未够熟。有友人先食鸡皮，说感觉好似食紧煎堆 第5味：清蒸游水海班。鱼蒸得过熟，鱼肉有d靭。第6味：招牌三色虾。三色：豉油虾、炸虾丸同流沙虾。虾算新鲜，唔梅。豉油虾同流沙虾偏咸。虾丸包住芝士，可
可能系星期五o既关系，8点去度，已经满座。两间房都人头涌涌，我地坐大厅。
因为朋友只有卡片，所以我地点o既系卡片后$248 o既套餐，上到去先知原来有更多选择可以拣。
服务态度普通，由操唔正广东话o既婶婶serve，当然我地都明白系呢d地方唔可以要求好好service。(顺卡片序写)
第1味：生拆蟹肉金山勾翅。味道一般，翅o既份量还可以，每人勉强都可以有两碗。
第2味：花雕蛋白蒸海蟹。有3只蟹，都算新鲜，蟹膏够多。蛋白蒸得够滑，但冇咩酒味。
第3味：原只鲍鱼扣山珍海味。除鲍鱼外，有海参、花胶同小棠菜。鲍鱼炆得够腍，都几有味。其他就普通。
第4味：天下第一鸡。呢味系最尾黎o既。鸡冇咩特别，鸡皮布满芝麻。味道较咸同好似未够熟。有友人先食鸡皮，说感觉好似食紧煎堆
第5味：清蒸游水海班。鱼蒸得过熟，鱼肉有d靭。
第6味：招牌三色虾。三色：豉油虾、炸虾丸同流沙虾。虾算新鲜，唔梅。豉油虾同流沙虾偏咸。虾丸包住芝士，可能我食o既时候已经冻左，冇"爆芝士" o既感觉。
第7味：金银蒜蒸扇贝。蒜蓉同粉丝好多，扇贝size正常。不过冇咩豉油，唔够味。
第8味：瑶柱扒西兰花。瑶柱份量足，味道不错。第9味：飘香炒饭。饭呈淡黄色，食落去感觉似杨州炒饭，还可以。
第10味：精美甜品。唔知系芒果定桃布甸。厨师用左一个花形模整呢个甜品，切o既时候已经feel到质地好硬。摆入口就好似食紧大菜糕，可能系鱼胶粉落得太多。而mix埋一切o既生果就似系桃，因为唔似芒果咁腍。
私房菜黎讲，呢间唔系咁特别，套餐入面冇一样系好标青。但若以呢个价钱可以食到咁多款𩠌，算系ok。
下次有咩特别function，可能会再同朋友黎试其他套餐。
张贴
