Gino's Gelato

营业中

休息中

食完午餐，带两只马骝去赤柱广场旁边游乐场玩，游乐场旁有间雪榚店（占晒地利！）入去地方光猛，装修简洁，见到雪榚有两大类，乳酪及尊贵，我拣了车厘子乳酪，平时比较少见呢种味道，自己偏好水果味，店员只懂英文，同我讲价钱系$40一球，餐牌写$35！仲同我讲好似第二球系$35，或买第二球就两球都$35，（唔系好明佢讲乜）最后我只要一球，店员用胶杯装比我（佢又无问我用杯定脆筒）连一支胶匙比我，我同肥髀分享，食咗连果肉，无乜车厘子味道，唔系酸甜，只有甜味，无水果味，牛奶味种啲，但明明系乳酪系列又唔酸，唔明白，只系一球好普通嘅雪榚！唔值$40一球！店员有点爱理不理咁！可能配合赤柱悠闲气氛喇！