點點心 (已搬遷) 新店位置

食点心唔一定要去酒楼既，无理由下下都走去大围饮夜茶，今次系旺角揾到间点点心，试下值唔值得推介比大家。识食一定要食烧卖，试一间点心既烧卖就可以大体知道食物的质素。除此之外仲叫左牛柏叶，凤抓排骨饭，雪梨汤水同糯米饭。点点心的上菜效率有点吓人，坐左20分钟都有都上唔到一样点心，如果肚饿真系等到想发脾气，但阿姐话因为即叫即做，无办法，咁我都无理由要阿姐难做，唯有好肚饿咁等落去。烧卖几好食，略咸一点，肉唔会实，而且都有虾系入边，最惊果种得一旧肉的烧卖。牛柏叶就好得人惊，好似香口胶咁，平均一旧我可能咬左五分钟都吞唔落，未食过咁既牛柏叶，奉劝大家唔洗试。凤抓排骨饭不过不失，同唐记包点既差无几。米饭水准麻麻，一大笼但D饭又实又烂，真系唔系几食得落，是但一间酒楼既都好食过佢。最后雪梨甜水唔错，不过陈皮味略重，睇返你本身喜唔喜欢。总结系点点心点心好参齐，唔系话样样OKAY，但某几种点心又食得下。