頹飯 (已結業)

见到咁多好评，一心谂住应该好高质。可能希望太大所以食完觉得只系普普通通。今日食嘅系香煎去骨鸡腿饭配黑椒汁($45)，加煎蛋 (＋$4)。其他食评话D汁另上，但今日我个饭唔系，D汁已经淋咗上鸡扒度。我见其他人嘅饭都系咁。我估汁另上呢件事应该无咗。加咗 $4 嘅煎蛋系全!熟!蛋! 我怀疑有几多人会 expect 一个颓饭上嘅蛋系全熟嘅。好失望。块鸡腿嘅皮系淋唔系脆嘅。虽然我无 expect 脆鸡扒 (毕竟只系 $45)。个味道都腌得 ok 嘅。真心讲个饭唔系差嘅，但只系好普通唔系特别好味。但价钱平，希望佢生意兴隆等我哋粮尾有多个选择。