和平飯店 (V Walk) (已結業)

新开张，今日第一次去试下佢。呢次叫左小笼包、竹笙时蔬、沙窝云吞鸡、话梅骨同埋生煎牛肉饼首先讲小笼包，一落order转个头就到，应该系蒸定，d皮还可以，厚左少少，汤汁唔算多，肉球比较实；竹笙时蔬系我觉得整得最好的，菜够甜，竹笙爽，上面撒左少少咸肉末；砂锅云吞鸡系例牌，有6粒云吞，6棵菜，半只鸡，云吞调味唔错，汤ok，但无鸡味，鸡肉无雪味，还可以。话梅骨一上台好大阵醋味，师傅都落得几重手，骨炸得over左d，令到d肉太硬，肉好咸，呢碟最差，唔推介；最后系好多人都有叫的牛肉饼，一咬开好失望，无肉汁流出黎，肉馅好少，饼皮好厚，同个介绍图差好远，45蚊3个真系好麻麻。