犇之食堂 (已結業)

铜锣湾呢间台湾食堂，平时都几多人排队，都有啲好奇佢好唔好食。唔知点解香港嘅台湾餐厅好似好多都系行怀旧风，入都去觉得都几靓几有特色，令我对食物个期望都高左🤭不过食完觉得其都系正常水准，普普通通未必会encore嘅味道，如果系台湾瘾起想食下台湾野都可以食下，但未到要特登推荐嘅程度🍲🐶犇之三宝面 $86 成碗面份量比想像中少，食完未至于好饱，但面唔会饿，两个人各叫一个正餐，加份小食就应该够哂饱。面质唔错，用左本地手造面条，食落弹牙有口感，汤睇落好浓郁，饮到肉味同少少药材味，唔会饮完好口渴。因为面唔算多，配佢嘅三宝：牛筋、牛腩、牛肚，同埋香甜嘅萝卜，可以一嗒𩠌一嗒面🍜🐶师大香酥排骨卤肉饭 $72饭比较多，卤肉份量少，如果捞匀成碗饭应该会好淡，唔够味，见佢枱上面有罐酸菜，足足加左三大羹😹如果唔系应该剩低成堆白饭🍚排骨份量几足，叠埋成有两层肉，而且炸得几酥脆，可惜肉质较干，无咩肉汁，而且调味比较简单，无咩突出之处。🐶大肠拼小肠 $40好标准嘅台湾香肠味🤣粢饭几烟韧，配埋酸菜，味道简单。